Agent Sasco (Assassin) - Hand To Mouth

Pay check, check, check, check, check
Well, it's another one
Me just get me pay check
And me a wait fi the other one
Versatile, Agent Sasco (Agent Sasco)
Hear me now, woii

Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth

Me get pay 'pon Friday, and by Saturday
It's like me don't know where that deh
But no feel say me squander me money
Me work too hard fi it fi take it and dash 'way
A long time me no save, gone are the days
When me could a have a thing stash 'way
Me lose big out a track Monday, so me nah go back deh
Me haffi try something else
Get me pay, me pray fi Jah bless it
All kinda way me try stretch it
Me try pick three, but me never yet catch it
All the lotto, me haffi lef' it
And I don't waan break the law
One a me friend tell me fi try partner
But, the same week when me get me draw
Me hand gone back a me jaw

Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth

Last night was a fault night
And likkle more so, you hear say me and the boss fight
About six week wages him owe me and come a tell man story
But story can't put food 'pon me table
Story can't put on back me cable
So, bossman keep your fable
You know say me life unstable
Hear me now
Me owe one months rent and me haffi pay half
Couldn't pay light so that haffi stay off
Me have whole heap more bills fi clear off
The six week thing just throw me way off
Lord, me pray me no get laid off (woii)
'Cause if me get laid off, me could a try thief
And end up inna prison like Bernard Madoff

Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth

Granny say, "How water walk go a pumpkin"
But, me waan ask you something
A weh the money walk gone when a month end
Me waan some tire and me waan fix me front end
Water commission dem take me fi fool
How me bill heavy, so what, me nah fool'
Lord, between this and the light bill
The youth dem cyaan go a school

Hand to mouth
As me get the money, it done!
And it feel like next month end nah go come
As me get the money, it done, it done, it done, it done

Hand to mouth
As me get the money, it done!
And it feel like next month end nah go come
As me get the money, it done, it done, it done, it done
Hand to mouth

Agent Sasco (Assassin) lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.