Vybz Kartel - Colouring Book

Omar, Phillip, Brando, Styles
The gyal dem see me tattoo from miles

Tattoo time come
All a the space 'pon me skin soon done
If you nuh have none go get one, go get one
If you nuh have some go get some, go get some
When the tattoo needle start fi bun
Me kill off the pain with Street Vybz rum
If you nuh have none go get some, go get some
If you nuh have none go get one, go get

When the ink load up and the needle a juck
Tattoo sell off everybody 'affi look
Gyal a seh me pretty like a colouring book
She seh me skin pretty like a colouring book
Gyal a seh dem waan find weh me live a Norbrook
She ask if it hot like rice weh just cook
Gyal a seh me pretty like a colouring book
She seh me skin pretty like a colouring book

Look 'pon me skin, tattoo like dirt
Me no wear shirt, Gaza ink inna concert
Phillip haffi work
Till me mark up like school book, a the new look
Gyal a seh the flava shook
Police a seh me fava crook
Me ink up like the Gleaner and Observer
Brando the ink surgeon with the serger
Skin paint up like Berger 404
Omar from Waterford a him a lock down Portmore

Styles, push the needle through the epidermis
Hotta than a macka (aye) bun you like a furnace
Pretty when it finish but hot when it a service
Me only hear the needle go soh *eeeeen* and get nervous
From me start me can't stop
Every day me say this a last two
Likkle Wayne me soon pass you
The angel dem and the cross new
Me skin fava the wall dem, when LA Lewis pass through
(E-hah e-hah) True

When the ink load up and the needle a juck
Tattoo sell off everybody 'affi look
Gyal a seh me pretty like a colouring book
She seh me skin pretty like a colouring book
Gyal a seh dem waan find weh me live a Norbrook
She ask if it hot like rice weh just cook
Gyal a seh me pretty like a colouring book
She seh me skin pretty like a colouring book

Gyal a tek picture a me body
Me can't tell the gyal seh no
Me hand dem fava works weh done by Michelangelo
Me neck full up a stars
A deh so the rockets waan fi go
Tear drops inna me face and everybody haffi know
Dem 'affi Craig, Dennis, Twitty Bird, Masicka and Cappo
The thug deh 'pon me finger and the skull dem deh below
Me skin a run out a space, but me have plenty more fi go
Shorty a beg me "please, Addi, no put on no more"

Styles, push the needle through the epidermis
Hotta than a macka (aye) bun you like a furnace
Pretty when it finish but hot when it a service
Me only hear the needle go soh *eeeeen* and get nervous
From me start me can't stop
Every day me say this a last two
Likkle Wayne me soon pass you
The angel dem and the cross new
Me skin fava the wall dem, when LA Lewis pass through
(E-hah e-hah) Fi true

When the ink load up and the needle a juck
Tattoo sell off everybody 'affi look
Gyal a seh me pretty like a colouring book
She seh me skin pretty like a colouring book
Gyal a seh dem waan find weh me live a Norbrook
She ask if it hot like rice weh just cook
Gyal a seh me pretty like a colouring book..

Vybz Kartel lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.