Quada & Projexx - Make A Way

[Intro: Projexx]
Yeah
Yo, yo
Yeah, yeah, yeah-e

[Chorus: Projexx]
Please make a way for me
Please make a way for me (yeah)
Why dem waan fi stop me now?
Tell dem let me go
Yeah
'Cause I know
Change gonna come some day
Why dem waan fi stop me now?
Tell dem let me go, yeah

[Verse 1: Quada]
Dear Father God
Me a beg you help we change fi the better
We lef' hand have da Tec yah, the next one a write a letter
How me fi do right, if me right hand a grab Beretta
And tun it on, cah me family tired a pressure
Me no know if you're busy, but please God, reply
Me nah no water inna me pipe, and none a lef' inna me eye
The building dem weh hold JPS is kinda high
And any time me see the Jeep a bruk the lane, we haffi hide
Dear Jesus, me know me a no fool nor idiot
But, life did hard when me pree back
Man grow inna the dirt, nuff never even waan we fi pass GSAT
That's why me haffi say this 'pon da beat yah
Me a beg you, please help me get me songs dem out there inna the media
Tell dem louder buss the cloud and every speaker
Red Bull no make you fly, bless me dawg dem with a couple Visa
Would a love a car fi drive, even a Tiida
Father God me still a pray, fi who nah pray
A pray fi every youth a town weh sleep a arcade
Full a hope, but nah no soap and water gone, we cyaan bathe
Me a listen fi yah sound, but it's like say me hard ears
God... me nah waan much
And if me sound a way, Jah Jah me nah cuss
Me nah let you down, that's why me have me guards up
Wash me from me sins becah me full a flaws, nuff

[Chorus: Quada and Projexx]
Please make a way for we (ye-e-yeah)
(Mhmm... yeah, yeah)
Please make a way for we
No mek me family dem and me friend dem hungry, yeah-eh (ye-e-yeah)
'Cause I know
Change gonna come some day
No matter weh the heathen say
Change gonna come some day


[Verse 2: Projexx]
Jah Jah
You see say dem a try fi stomp me down
But a, straight to the top a that me know
Nah pose 'pon corner like no domino
Hard work man put in, just fi lock eeh show, yeah
Sah, so me know
Change gonna come some day
In God we pray
Change gonna come some day

[Chorus: Projexx and Quada]
Please make a way for me
Please make a way for me (yeah)
Why dem waan fi stop me now
Tell dem let me go (yeah)
Please make a way for we (ye-e-yeah)
(Mhmm... yeah, yeah)
Please make a way for we
No mek me family dem and me friend dem hungry (ye-e-yeah)


[Outro: Projexx]
We pray, we pray, we pray
We pray, we pray, we pray
(why dem waan fi stop me now?)
We pray, we pray, we pray
(Castanheiro, Castanheiro, Castanheiro)

Quada & Projexx lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.