Mutabaruka - Revenge

I am a angry young man I'm on de run
Yesterday I thief mi fada gun
I'm a angry young man, I'm on de run
A shot a police wid mi fada gun
Ask me why, a tell you no lie
A pray years hopin' dat dis police would die
As a child a can neva feget
Dat face so ugly and sweat
Yet a knew de day would come
Wen a would have to kill him an run
Now mi family will neva si mi again
Through these years I have felt much pain
A nite mare all these years
So much pain so much tears

Now it happen a long time aguh
Right down there in de ghetto
Mi mada was sittin' aroun de shop counta
Wen a man come in an start to beat her
Mi fada was away dat day
Neva knoo who to run to or wat to say
A stan up deh a neva meck a soun'
De man push mi mada to de groun'
A couldn't se a ting agen
But a knoo mi mada was feelin pain
Wen him lef a hear her cry
A hear her seh "Lord, let me die!"

Time and time a would hear mi fada seh
Dat mi sista was not his.. and a kne right aweh
Dat de day would have to come
Wen a would be a young man on de run

Now a sit behind dis wall, dis wall suh tall
Still hearin' mi mada cry
Still hearin' her seh "Lord, let me die!"

Mutabaruka lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.