Mutabaruka - Rememberance

An' afta suh much years
Wi still a cry tears
Fram offa wi foot dem teck de chain
Nowit seem dem put it 'pon wi brain

So wi afi remine yuh
Wi afi remine yuh

'Bout de rowin of de boat
De bodies dat float
De travel crass de sea
Dat rab wi libatty

'Bout de missionary dem
Dem seh dem a wi fren
Who rab wi a wi gold
An' wealth unotld
An' de pie in de sky afta wi die

Mi afe rimine yuh
Mi seh mi afe rimine yuh

Bout de cotton a de cane
Dat wi plant ina rain
An' de sun ina wi back
De whip dat crack
'Bout Garvey, Malcom, Lumuba an' de rest
Woh walk dis lan' wid a freeman plan
An' blood di run fewi freedom
An' de fire in wi eye
Wen wi si how much die
An' de chain roun wi neck
Wi ooman dem teck
An' whip whip whip

Mi seh mi afi remine yuh
Mi afi remine yuh

'Bout colonial rule
Dat tin wi fool
Use wi like tool
Meck wi wuck like mule
An' dem mash up wi plan
'Cause dem neva andastan
Fi dem religion

An' de pain and de chain
Still hang 'pon wi brain
An' de sons dat die
Wi still ask, why?

Mi afi remine yuh
Mi afi remine yuh

Mutabaruka lyrics are copyright by their rightful owner(s) and Jah Lyrics in no way takes copyright or claims the lyrics belong to us.
Jah Lyrics exists solely for the purpose of archiving all reggae lyrics and makes no profit from this website.